РФнын Экономикалык өнүгүү министринин орун басары Азер Талыбов Порт-Морсбиде (Папуа – Новая Гвинея) өткөн АТЭКтин (Азиялык-Тынч океандык экономикалык кызматташтык) экономика министрлеринин жолугушуусуна катышты. Анда талкууланган маанилүү темалар соода системасын өнүктүрүү жана АТЭСтин 2020-жылдан кийинкиге койгон планы болду. Мындан сырткары иш-чарада регионалдык экономикалык интергацияны санариптеширүү маселелери дагы көтөрүлдү.
Азер Талыбов белгилегендей, учурда көп кырдуу соода системасында кризис болууда. “Биз Бүткүл дүйнөлүк соода уюмуна коркунуч жараткан коргонуу чараларына туш болуудабыз. Бул уюмдун мүчөлөрү жетишкен прогрессти нөлгө түшүрүп жибериши ыктымал. Айрым мамлекеттер эскертүүсүз эле жасалган бир тараптуу дискриминациялык чараларга туш болушууда”,-деди ал.
Министрдин орун басарынын айтымында, Россия айрым өлкөлөр тарабынан кабыл алынып жаткан бир тараптуу чараларга каршы. Бүткүл дүйнөлүк соода уюмунун статусун калыбына келтирүү зарыл. “Биз эл аралык соода кылууда жана кызмат көрсөтүүдө БДСУнун базалык эрежелерин карманууга чакырабыз”,-деп кошумчалады ал.
Азер Талыбов 2017-жылы ЕАЭБдин Бажы кодекси иштелип бүткөнүн жана бул чет элдик соода өнөктөштөрү менен кызматташууда ыңгайлуу шарттарды түзөрүн айтты. Ошондой эле ал Россия Азиялык-Тынч океандык эркин соода аймагынын концепциясын иштеп чыгууга даяр экенин билдирген.
Россиялык делегациянын жетекчиси санарип маанилүү роль ойноп жатканын белгиледи. “Санарип экономика электрондук соода кылууга өтүүгө мүмкүнчүлүк берүү менен бирге бизнес, мамлекет жана жарандык коом үчүн жакшы шарттарды түзүп берет”,-деди ал.
АКТЭКтин 2020-жылдан кийинки планы боюнча Азер Талыбов пикирин билдирип, санарип трансформацияны өнүктүрүү приориттетүү экенин белгиледи.
