Кыргыз Республикасынын Финансы министрлигине караштуу Бюджеттик насыяларды башкаруу боюнча мамлекеттик агенттиктин маалыматы боюнча 2018-жылдын 7-июнуна карата «Айыл чарбаны каржылоо-6» долбоорун ишке ашыруунун алкагында республиканын 9 455 айылдык товар өндүрүүчүсүнө 4 млрд 63,6 млн сом суммасында жеңилдетилген насыялар берилди.
Маалымат иретинде:
КР Өкмөтүнүн 2018-жылдын 14-февралында №92 токтому менен бекитилген «Айыл чарбаны каржылоо-6» долбоорунун ишке ашыруунун алкагында КР Финансы министрлиги менен 11 коммерциялык банктын ортосунда жалпы суммасы 5 млрд 816 млн сом болгон пайыздык чендерди субсидиялоо жөнүндө келишимдерге кол коюлган.
КРнын 2018–2020-жылдарга республикалык бюджетинде «Айыл чарбасын каржылоо – 4» долбоорунун үчүнчү фазасын, «Айыл чарбасын каржылоо – 5» долбоорунун экинчи фазасын жана «Айыл чарбасын каржылоо – 6» долбоорунун биринчи фазасын ишке ашыруу үчүн 1 млрд 50 млн сом каралган.
