Кыргызстанда 8951,31 га жерге айыл-чарба өсүмдүктөрү отургузулган, анын ичинен дандардын түшүмдүүлүгү 29,6 ц/га, жалпы 26 миң 495 тонна үрөн алынаары күтүлүүдө. Бул тууралуу Айыл-чарба, тамак-аш өнөр-жайы жана мелиорация министрлиги билдирди.
Дандар жалпы 10,8 миң га аянтка себилсе, анын ичинен 7,4 миң га буудай, арпа — 3,4 миң га, пахта — 657 га, картошка — 53,7 га, жүгөрү — 22 га.
Сентябрдын ортосунда Ош, Жалал-Абад, Баткен, Чүй, Талас, Ысык-Көл, Нарын облустарындагы айдалган аянттар текшерүүдөн өттү.
Ош облусунда жалпы 3204,4 га аянт текшерүүдөн өттү. Жалпы дан эгиндеринин түшүмдүүлүгү 28,9 ц/га болсо, 9223,7 тонна түшүм алынат деп күтүлүүдө.
Жалал-Абад облусунда жалпы 310,5 га аянт текшерүүдөн өттү. Жалпы дан эгиндеринин түшүмдүүлүгү 30 ц/га болсо, 865,8 тонна түшүм алынат деп күтүлүүдө.
Баткен облусунда жалпы 374,5 га аянт текшерүүдөн өттү. Жалпы дан эгиндеринин түшүмдүүлүгү 28 ц/га болсо, 1109,9 тонна түшүм алынат деп күтүлүүдө.
Талас облусунда жалпы 144га аянт текшерүүдөн өттү. Жалпы дан эгиндеринин түшүмдүүлүгү 35 ц/га болсо, 504 тонна түшүм алынат деп күтүлүүдө.
Нарын облусунда жалпы 125 га аянт текшерүүдөн өттү. Жогорку репродукциядагы – 25 га, андан кийинкилери – 100 га.
Чүй облусунда жалпы 3871 га аянт текшерүүдөн өттү. Жалпы дан эгиндеринин түшүмдүүлүгү 30ц/га болсо, 11767,4 тонна түшүм алынат деп күтүлүүдө.
Ысык-Көл облусунда жалпы 623,46 га аянт текшерүүдөн өттү. Жалпы дан эгиндеринин түшүмдүүлүгү 30ц/га болсо, 1705,7 тонна түшүм алынат деп күтүлүүдө.
Ошондой эле 331 га жердеги көп жылдык чөптөр текшерүүдөн өттү, анын ичинде беде – 200 га, эспарцет –131 га.
Айыл-чарба министрлигинин божомолу аткарылабы? Себеби бир нече жылдан бери экономиканын бул тармагы туруктуулугун көрсөтө албай келет эмеспи.
