Президент Алмазбек Атамбаевдин Индияга болгон сапары эки өлкөнүн сырткы экономикалык абалына таасир бериши мүмкүн.
Бизнес-форумда Кыргызстанга инвестиция тартуунун жакшы жактары, бул багытта инвесторлор үчүн шарттары өтө ыңгайлуу болгон мыйзамдар тууралуу айтып берүү пландалууда.
Индиядагы презентация стендинде айыл-чарба өнүмү коюлган. Азыктар индиялык ишкерлердин кызыгуусун жаратып, сапаты мыкты деп бааланды. Алар көбүнчө кургак жемиштерге, балга жана грек жаңгагына көп көңүл бурушкан.
Инвестиция тартуу жана кызматташуу боюнча бир нече меморандумга кол коюлган.
Бул биздин өлкөгө эмне берет?
Бул кайра иштетүү менен алектенгендер үчүн абдан пайдалуу сунуг.
Мисалы, бүгүнкү күнү кыргызстандык фермерлер кара өрүктү болбогон акчага эле сатып, ал эми биздин эле мекендештерибиз анын кургатылганын кайра бир нече эсе жогору баада сатып алып жатышат.
Кайра иштетүү үчүн керек болгон жабдуулар фермерлерди бардык ишти колго жасоого же убакытты көп талап кылган ишти таштап салууга түртүп жаткан учуру. Натыйжада жемиштин көбү көгөрүп, чирип кетүүдө.
Кыргызстанда бал чындыгында эле сапаты жана баасы менен айырмаланып, инвесторлорду кызыктырып турат. Бир нече жыл мурун кыргыз балы Японияга экспорттоло баштаган.
Ал эми көбүнчө түштүктө өскөн грек жаңгагын жеткирүү боюнча келишим түзө берсе болот. Кыргызстандын Соода өнөр-жай палатасы аркылуу келишим түзүп, жаңгакты экспортко чыгарса болот.
