Жолугушуунун жүрүшүндө министрдин орун басары өлкөдө болуп жаткан процесстер тууралуу маалымат берип, Кыргыз Республикасынын «Жаны доорго кырк кадам» программасы, анын артыкчылыктары, «Таза Коом» долбоору тууралуу маалымат берди. Ошондой эле жашыл экономиканын(PAGE) кызыкчылыгы боюнча өнөктөштүктүн алкагында аткарылган иштер тууралуу глобалдуу максаттарды инвентаризациялоо боюнча аткарылган жумуштар боюнча маалымат берилгенин билдирди Экономика министрлиги.
Д. Иманалиев өз сөзүндө Кыргыз Республикасынын 2017–2020-жылдарга карата аймактык өнүгүү концепциясына токтолду. Анда базалык өнүгүү чекити катары 20 калктуу конуштар аныкталган.
ЮНИДО тарабынан экономиканын тармактарында, структураларында болгон алдын ала жыйынтыктар айтылды. Экономиканы индустриялаштыруу жана өлкөдөгү өнөр-жайды өнүктүрүү тармагындагы маселелерин чечүү боюнча сунуштар айтылды.
Жолугушуунун жыйынтыгында тараптар өнөр-жай тармагындагы атаандаштыкты аныктоо, экспорттук потенциалдык өнүктүрүү, экономиканын инновациялык өнүгүүсү боюнча кеңешмелерди өткөрүү тууралуу келишимге жетишти.
