Кыргызстанга иш-сапары менен Австриянын транспорт, технология жана инновациялар министрлигинин өкүлдөрү, Bit Media технологиялык корпорациясынын жетекчилери Кыргыз Республикасынын мамлекеттик органдары менен кызматташуу максатында келишти.
Иш-сапарынын алкагында австриялык делегация Байланыш жана мамлекеттик технологиялар мамлекеттик комитетинин, Билим берүү жана илим министрлигинин, Мамлекеттик каттоо кызматынын, Инвестицияларды илгерилетүү жана коргоо агенттигинин жана Бишкек шаарынын мэриясынын жетекчилери менен жолугушту.
Жолугушуу учурунда технология, инновация жана санариптештирүү багытында кыргыз-австрия кызматташтыгын өнүктүрүү маселелери каралды. Тактап айтканда, Байланыш жана мамлекеттик технологиялар мамлекеттик комитети менен Австриянын транспорт, технология жана инновациялар министрлигинин ортосунда кызматташуу боюнча меморандум түзүү маселеси талкууланды.
Жолугушуунун натыйжасында тараптар “Акылдуу шаар” долбоору боюнча жана мектептерди санариптештирүү жана башка санарипке байланышкан маселелерде кызматташары тууралуу макулдашуу болду.
