Кытайдан Кыргызстанга аткезчилик менен импорттолуп жаткан тоок эттери кармалды. Бул тууралуу Экономикалык кылмыштарга каршы күрөшүү кызматы кабарлады.
Маалыматка ылайык, финполициянын кызматкерлери Балыкчы шаарында жайгашкан «Оберон» мөмө-жемиш сактоочу жайынан 4 жүк ташуучу «Вольво» унаасын текшеришкен. Текшерүүнүн натыйжасында эки фурага тоок эттери жүктөлгөнү аныкталды. Ал эми документте «жаңы шабдаалы» деп Кытайдан келе жатканы жазылган. Товардын жалпы салмагы 80 тоннага жетет.
Чогулган материалдар товардын баасын жана бюджетке келтирген чыгымды аныктоо үчүн Бажы кызматына өткөрүлдү.
