Көпчүлүк мекендештер жогорку билим жана дипломдун болуусу дайыма эле каражат табууга мүмкүнчүлүк бербешин жакшы түшүнүшөт. Ширетүүчү, темир уста, тигүүчү сыяктуу кесиптер жакшы каражат табууга жол ачат.
Булар ата мекендик жана чет жердик эмгек рыногунда суроо-талап жогору болгон кесиптер болуп саналат.
Билим берүү системасында реформа кылуу керектиги тууралуу маселе мурун эле бышып жетилген. Бүгүнкү күнү мектеп рынок шарттарына жана талаптарына жооп бербейт.
Жада калса айылдарда мугалимдер окуучулардын андан аркы жашоосуна багыт берүү үчүн жетиштүү билимге ээ эмес.
Бишкектеги унаа-жол колледжинин жетекчисиинин орун басары Максат Толобаев бул курстар мазмуну боюнча уникалдуу деп санайт.
Билим берүү тармагын реформалоо тууралуу көп айтылат. Муну билим берүү системасында эмгектенген мугалимдер да жакшы түшүнөт, бирок алар кайра эле эскичилик жолуна түшүп алышат. Мектепке чейин билим берүүдөн баштап системаны гана эмес, ыкманы да өзгөртүү зарыл.
Жалпысынан мектеп сунуш берүүчү орган болушу керек. Баа коюу системасын жоюп, сунуш берүү системасын киргизүү зарыл. Атайын жана жогорку окуу жайлар практикалык-теоретикалык тажрыйба топтоочу жай болуусу керек.
Жыл сайын өлкөдө эч нерсени билбеген теоретиктердин армиясы даярдалып чыгып, 5 жылда окуусун бүткөн соң алар үчүн жаңы шарттарда багыт ала албай келишет.
