Биринчи вице-премьер-министр Аскарбек Шадиев бүгүн, 3-апрелде Кытайга болгон расмий сапарынын алкагында Кытай Эл Республикасынын вице-премьер-министри Ху Чуньхуа менен жолукту.
Жолугушууда Шадиев эки тараптын соода-экономикалык тыгыз кызматташтыгын белгилеп, кыргыз тарап «Бир кур — бир жол» долбоорун ишке ашыруу үчүн өз салымын кошууга даяр экенин айтып өттү.
Өз кезегинде Ху Чуньхуа да эки өлкөнүн достукка негизделген кызматташтыгын баса белгилеп, Шанхай кызматташтык уюмунун алкагында эки өлкөнүн ортосундагы алаканы дагы алдыга жылдыруу керектигин билдирди.
