Кыргыз Республикасынын Финансы министрлигинин Борбордук казыналыгынын болжолдуу маалыматы боюнча, 2018-жылдын апрель айында республикалык бюджеттин ресурстарынын жалпы көлөмү 12,8 млрд сомду (анын ичинде салыктык кирешелер – 8 млрд 264,4 млн сом, салыктык эмес кирешелер – 2 млрд 23 млн сом), ал эми чыгашасы 12,2 млрд сомду түзөт.
Маалымат үчүн:
Кассалык пландоонун негизги максаты – мамлекеттик акча каражаттарын оптималдуу пайдалануу жана потенциалдуу кассалык ажырымды жабуу боюнча өз убагында чара көрүү үчүн аларды аныктоо максатында актуалдуу кассалык планды түзүү болуп саналат.
Республикалык бюджеттин каражаттары боюнча бир айлык кассалык план өзүнө:
- айдын башына карата бюджеттик каражаттардын калдыгын;
- алдыдагы айга карата республикалык бюджеттин ресурстарынын түшүүлөрү боюнча көрсөткүчтөрдүн планын;
- Кыргыз Республикасынын Өкмөтүнүн милдеттенмелерин аткаруу менен байланышкан алдыдагы айга карата чыгашалар жана төлөөлөр боюнча көрсөткүчтөрдүн планын камтыйт.
