Кыргызстан менен Европа биримдигине кирген өлкөлөрдүн ортосундагы соода жүгүртүүнүн көлөмү 3,4 пайызга өстү. Бул тууралуу Экономика министри Артем Новиков Жогорку Кеӊештин Эл аралык иштер, коргоо жана коопсуздук боюнча комитетинде билдирди.
Анын айтымында, сооданын негизги үлүшү алтынга таандык — ал 70 пайызды түзөт. Алтынды эсепке албаганда, экспорт 45 пайызга өстү. Ага пахта, жип, козу карын, бал, бут кийим сындуу товарлар кирет. Аларды Улуу Британия, Литва, Германия өӊдүү өлкөлөр алууда.
Мындан тышкары, Кытай менен эт, бал, коон, алчаны экспорттоо боюнча 4 протоколго кол коюлган. Ал эми Орусия, Казакстандан товарларды импорттоо жаатында талдоо жүргүзүлгөн.
