Бүгүн өзүнүн тарыхын кызыктуу адам жана өз ишин өтө сүйгөн Алтынай Солтонбек айтып бермекчи.
Салам баарыңарга, менин атым Алтынай Солтонбек. Менин жашым 38де жана 3 балам бар. Менин жашоомдогу оор күндөргө карабастан мен өтө бактылуу адам экенимди айткым келет.
Менин башыман өткөргөн күндөрүмдү билгиси келгендер болсо, кош келиңиздер! ))
Мен 1978-жылы жазында туулгам. Ата-энем мурунку СССРдин азыркы Кыргызстандын жөнөкөй жарандары. Көпчүлүк эле үй-бүлөлөргө окшоп 90-жылдардагы кыйынчылыктарды көтөрө албай, алар ажырашып кетишкен.
Апам бизди, 3 баланы атамдын жардамысыз, жалгыз чоңойткон. Биз өлкөдөгү эң жакшы ЖОЖдордо окудук. Мен АУЦАнын журналистика тармагын аяктагам.
Дароо айта кетейин, менин бул моюн сунуумду эч ким баалаган жок. Ошентип мен 3 баланы (2 уул, 1 кыз) төрөп үй кожойкеси болуп калдым. Балдар менен өткөргөн убакыт баасыз жана ал үчүн Жаратканга ыраазымын.
Менин жумуш табууга болгон аракетиме жолдошум дайыма каршы чыгып келген.
Мен бат тил табышкан адам болгондуктан биздин өлкөбүздүн коомдук жашоосуна тартылып кеттим. 7 жылым бир саясий партиянын ишмердүүлүгүнө кетти. Ал жактан мен көп досторду таптым жана жашоомо тажрыйба топтодум. Ар кандай интригаларга жана эки жүздүүлүккө туш болуп ал жактан кетүү чечимин кабыл алдым.
Бул менин жашоомдогу чоң сокку болду жана мен эмнеге жашап жүргөнүм тууралуу ойлоно баштадым. Эмнеге ушунун баарына жол бердим деп ойлондум.
Учурда мен өзүмдү таптым. Мен эркин болуп калдым. Мен жашоодогу жолумду башынан баштай албасам дагы башка багытта баштоодон коркпойм.
Менин жашоом өз колумда экенин түшүндүм жана натыйжадан, жоопкерчиликтен коркпостон чечим кабыл алуу менин гана колумда экенин билдим.
«Saman» деп аталган курулуш компаниянын негиздөөчүсүмүн, бул тууралуу акыркы 2 жылда кыялданып келгем. Максатыбыз – “жашыл” куруучулукту өнүктүрүү. Эко-үйлөрдү куруу.
Кыйынчылыктар коомчулук аялдардын жөндөмүнөн дайыма күмөн санап келгенинде, өзгөчө куруучулук тармагында!
Мен акча издедим, байкемен, жолдошумдан алдым. Башат үчүн мага 100 000 сом жетиштүү болду. Бир нерседен баштоо керек эле, мен чечкиндүү болдум.
Эң биринчи долбоор Нурлан Кулчтун үйү болду. Ал өзү дизайнер жана өз колу менен өз үйүн башынан аягына чейин курду. Абдан ыңгайлуу. Болгону 36 чарчы метр. Баары абдан функционалдуу жана мыкты иштелип чыккан.
Учурда биз дагы бир нече тапшырык алдык, бул жыл аягына чейин жетиштүү деп ойлойм.
Мен КРнын ар бир жараны экологиялык жактан таза турак-жайга ээ болсо деп кыялданам.
