Алтынга болгон баа 2 айда жогорку көрсөткүчкө жетти – Сирияда абал курчугандыктан инвесторлор коопсуз активдерге ыктап жатышкан чагы.
Апрелдин карата Нью-Йорктун Comex биржасында алтынга болгон баа 19,5 долларга же 1,45% жогорулап – унцийи 1 365,1 долларга чыккан. Ал эми күмүшкө болгон баа 1,26% жогорулап, унцийи 16,8 доллар болгон.
“Алтын коопсуз, ошондуктан рынок катышуучулары абал начар болуп кетсе дагы деп алтынга басым жасап жатышат”,-деди «Рейтер» агенттигине CapitalEconomics аналитиги Симона Гамбарини (SimonaGambarini).
Рыноктор АКШнын Федералдык резервдик системасынын марттагы жыйынын күтүшүүдө. Рынок катышуучуларын быйыл проценттик көрсөткүчтөр канчага көтөрүлөрүнө кызыгышууда.
Федералдык резервдик системасынын ставкасынан алтындын баасы көз каранды. Бул америкалык валютанын кымбаттоосуна алып келет. Өз кезегинде бул доллар менен бааланган алтындын баасын төмөндөтөт дагы башка валютасы бар инвесторлордун суроо-талабы азая түшөт.
