Кыргызстанда беш жылдан кийин кадрдык тартыштык болушу мүмкүн. Ошондуктан жаштарды жумушка орноштуруп, азыртан кадрларды даярдоо зарыл. Мындай пикирди депутат Акылбек Жамангулов парламенттин жалпы жыйынында билдирди.
Анын айтымында, өлкөдө дагы бир беш жылдан кийин кадрдык тартыштык болушу мүмкүн. Ал үчүн жогорку окуу жайларын бүтүргөн жаштарды жумушка орноштуруп, азыртан болочок кадрларды даярдоо зарыл. Өкмөт мамлекеттик органдарды оптималдаштырууну айтып, тажрыйбалуу адистердин баарын кыскартып салды. Тааныш-билиши аркылуу ордунда калган чабал адистер кыйратып деле иштеп бере албайт.
«Мына, Казакстан «Келечек» программасынын алкагында жаш кадрлардын резервин даярдап алды. Биз болсо баштагы өнөкөттөн арылбай отурабыз«, — дейт эл өкүлү.
