Эми айлыгыңыз аз болсо дагы акча табуу жана чогултуу мүмкүн.
Биринчи жолу.
Топтолмо эсептер.
Жылына 30 000 сомго жакын.
Атайын эсеп ачып интернет банктардын жана мобилдик банктардын кызматтары менен колдонсо болот. Атайын депозиттик эсеп ачсаңыз болот, ал жактан белгилүү убакыттан кийин акчаңызды алып алсаңыз болот. Эгерде бардык сумманы көпкө тоңдургуңуз келбесе акчаны эсебиңизден которсоңуз болот. Эң башкысы эсебиңизде ар дайым кошумча сумма болуусу керек. Бул айлык акыңыздын 5–10%ы болуусу мүмкүн.
Экинчи жолу.
Арзандатуулар.
1500–3000 сом.
Бир нерсени сатып алууда арзандатуу алсаңыз болот. Бул кантип жасалат? Мисалы сиз бир нерсени сатып алуу үчүн керектүү сумманы бөлүп койдуңуз. Дүкөнгө келип сиз каалаган товарга арзандатуу болуп жатканын көрөсүз. Сиз эмне кыласыз? Туура, калган сумманы коротосуз. Мындан ары калган сумманы коротпоону эреже кылып алыңыз, аны эсепке салууну үйрөнүңүз. Бул дисконттук карталардагы арзандатууларга дагы тиешелүү.
Үчүнчү жолу.
Бонустар.
Жылына 10 000 сомго жакын.
Кыргызстандын ар бир үчүнчү жашоочусу банк кызматтарынан пайдаланат. Азы көбүнчө адамдар (өзгөчө борбордо) пластикалык карталарды колдонуп, накталай эмес төлөмгө өтүштү. Кардарлар пластикалык карталар менен көбүрөөк колдонуусу үчүн банктар бонустук программаларды ойлоп таап жатышат. Карта менен сатылып алынган ар бир нерсеге баллдык бонустар берилет. Баллдар менен сиз бонустук программанын өнөктөштөрүнүн дүкөндөрүндө төлөмдү ишке ашыра аласыз. Негизи карта менен сатып алуунун суммасына карата 1–3% бонустук баллдар түшөт, бирок өнөктөш дүкөндөрдө же атайын сунуштар менен 15%га чейин бонустар берилет.
Бирок эң жакшы жолу – бул ойлонулбаган сатып алуулардан жана чыгымдардан алыс болуу. Ошондо сиз маңдай териңиз менен тапкан маянаңызды үнөмдөй аласыз.
