Бүгүн, 8-июнда премьер-министр Мухаммедкалый Абылгазиев Нарын облусуна жумушчу сапары менен барат.
Өкмөт башчы сапардын жүрүшүндө Ара-Көл айылындагы жаңы мектептин курулушуна капсула салуу аземине катышат, Кочкор районунун Кочкор айылындагы сүт заводунун жана Нарын районунун Жан-Булак айылындагы «Жийде-Бак» үрөн чарбасынын иши менен таанышат.
Ошондой эле, Ак-Талаа районундагы Ак-Талчак көпүрөсүн калыбына келтирүү иштеринин жүрүшүн көзөмөлдөп, Ат-Башы ГЭСинин иши менен таанышат.
Мындан тышкары, Абылгазиев Нарын шаардык өзгөчө кырдаалдар башкармалыгынын кызматкерлери үчүн каралган турак-жайдын курулушунун жүрүшүн көрүп чыгат. Муну менен катар Нарын облустук бириккен ооруканасынын терапия бөлүмүнүн абалы менен таанышмакчы.
