Программада буга чейин макулдашылып ишке аша баштаган долбоолор улантылары, кыска жана узак мөөнөттүү программалар ишке ашаары, 2040-жылга чейинки стратегия толукталары белгиленген.
Абылгазиев өкмөт менен парламенттин өз ара байланышы тууралуу бир топ багыттар жөнүндө айтты.
–аткаруу бийлиги саясатка аралашпайт. Калктын социалдык-экономикалык турмушун жакшыртууга багытталган иш-аракеттерди жасайт;
–өкмөттүн бардык чечимдери тийиштүү процедуралардан толук кандуу өткөрүлүп, терең анализ жасалат;
–чечим кабыл алууда улуттун жана коомчулуктун кызыкчылыктары эске алынат;
–бюджеттин киреше бөлүгүнө келип түшүүлөр, чыгаша бөлүгү кандай пландалып жатканы катуу көзөмөлдөнөт;
–аткаруу бийлиги мыйзам чыгаруу бийлиги менен тыгыз байланышта иш алып барат;
–кесипкөйлүккө жана маданияттуулукка маани берилип, буга чейин башталган “Таза коом” программасын ишке ашыруу улантылат;
–жаңы өкмөт дароо ишке киришип, азыркы түзүлүштү сактап, ишке ашырылып жаткан долбоолор улантылат;
Мухаммедкалый Абылгазиев жогоруда белгиленген багыттарды ишке ашырууда депутаттардын колдоосун өтүндү.
