Премьер-министр Сапар Исаков 13-февралда Баткен облусуна жумушчу сапары менен кетти. Бул тууралуу өкмөттүн маалымат кызматы билдирди.
Жумушчу сапардын жүрүшүндө өкмөт башчы Өкмөттүн Баткендеги ыйгарым укуктуу өкүлчүлүгүнүн коллегиялык кеңешмесине катышат, анда 2017-жылдын иш жыйынтыгы чыгарылмакчы.
Исаков мындан тышкары, Кадамжай районундагы Орозбеков айыл округундагы орто мектептин ачылышына катышат.
Ошондой эле, Кадамжай шаарында зилзаладан жабыркагандар үчүн курулуп жаткан көп батирлүү турак-жайдын курулушу менен таанышат.
