2018-жылдын январь-апрель айларында функционалдык классификация боюнча республикалык бюджеттин чыгашасынын кассалык аткарылышы 42,1 млрд сомду түзөт, анын ичинен социалдык чөйрөгө чыгымдар – 21,3 млрд сом (жалпы чыгашанын 50,6%ы), жалпы багыттагы мамлекеттик кызматтар – 11,5 млрд сом (27,2%), экономикалык маселелер – 3,2 млрд сом (7,7%), турак-жай жана коммуналдык тейлөөлөр – 969,3 млн сом (2,3%), айлана чөйрөнү коргоо – 165,4 млн сом (0,4%). Кассалык чыгым кассалык планга салыштырмалуу 93,9%га аткарылды.
Маалымат үчүн: Функционалдык классификация мамлекеттик башкаруу органдарынын жана жергиликтүү өз алдынча башкаруу органдарынын иш-милдеттерин аткарууга чыгашаларынын классификациясын камсыз кылган алардын иш-милдеттерин классификациялоону сунуштайт. Ал максаттар боюнча чыгашалардын классификациясын билдирет жана төмөнкү чыгымдарды камтыйт: жалпы багыттагы мамлекеттик кызматтарга чыгымдар, экономикалык маселелер, айлана чөйрөнү коргоо, социалдык чөйрөгө чыгымдар, ошондой эле турак жай жана коммуналдык кызмат көрсөтүүлөр.
