Айыл чарба, тамак-аш өнөр жайы жана мелиорация министрлигинин мал чарба, асыл-тукум иштери жана илим саясатын өнүктүрүү бөлүмү, 2017-жылдын 1-декабрга карата мал чарбачылыгынын азыктуулугун өндүрүү жөнүндө маалымат таратты.
Эт өндүрүү. 2017-жылы республикада бардык категориялардагы чарбаларында 359,6 миң тонна эт тирүүлөй салмакта өндүрүлдү, 5,9 миң тонна, же 1,7 пайызга мурунку жылдын ушул мезгилине салыштырмалуу көбүрөөк эт өндүрүлдү.
Белгилей кетчү нерсе 2017-жылдын январь-ноябрь айында республиканын баардык облустар боюнча эт көбүрөөк өндүрүлгөн.
Республикада эт өндүрүүнүн жогорулашынын негизги себеби ири мүйүздүү малдарынын башы — 2,4 пайызга, кой жана эчкинин башы — 1,6 пайызга, чочконун башы – 1,5 пайызга , жылкы башы – 3,9 пайызга жана үй канаттуулардын башы 1,6 пайызга көбөйүшү болуп эсептелет.
Сүт өндүрүү. 2017-жылдын январь-ноябрь айында республика боюнча 1454,7 миң тонна сүт өндүрүлдү, 28,5 миң тонна, же болбосо мурунку жылга караганда 2 пайызга көп.
Республика боюнча сүт өндүрүүнүн көлөмүнүн өсүшүнүн негизги себеби уйлардын башы 1,7 пайызга көбөйүшүнөн улам болгон.
Сүт өндүрүү республиканын бардык облустарында көбөйгөн.
Жумуртка өндүрүү. 2017-жылы республикада 478,3 млн. даана жумуртка өндүрүлүп, же былтыркы жылга салыштырмалуу 38,0 млн. даана же өткөн жылдын ушул мезгилине салыштырмалуу108,6 пайызга көбүрөөк болгон.
Республиканын баардык облустарда жумуртка өндүрүүнүн жогорулашы байкалат. Мисалы, Чүй облусунун чарбаларында жумуртка өндүрүү – 112,2 пайызга көбөйгөн, Ошто – 106,6 пайызга, Ысык-Көлдө – 104,0 жана Жалал-Абад облусунун чарбаларында – 103, 5 пайызга көбөйгөн.
Жүн өндүрүү. 2017-жылдын 1-декабрына карата республикада 12620 тонна жүн өндүрүлгөн, же былтыркы жылга салыштырмалуу 101,9 пайызды түздү.
Баардык облустар боюнча жүн көп өндүрүлгөн.
Орточо ар бир койдон 2,4 кг жүн кыркылып алынган.
