Атайын жумушчу топ мамлекеттик органдардан, бейөкмөт уюмдардан жана ишкерлерден ар кандай сунуштар түшкөн “Аймактарды өнүктүрүү фонддорунун түзүлүүсү” тууралуу жобону талкуулады.
Жыйындын жүрүшүндө “Борбордук Азиядагы Евразия” жана «Каликова & Ассошиэйтс» фонду Аймактарды өнүктүрүү фонддорунун күн тартибиндеги долбоорлорду жана Президенттин алдындагы башкаруу академиясындагы өнүктүрүү фондунун иши тууралуу окуу модулунун жөнөкөйлөтүлгөн формасын сунушташты.
Иштеп баштагандан баштап бүгүнкү күнгө чейин 17 фонддун эсебине 1 230,4 млн. сом түшкөн. Мисалы, Таласты өнүктүрүү фондунун эсебине 174 млн сом которулуп, 150 млн сомдон ашуун каражатка ондогон долбоорлор каржыланган.
Бирок өнүктүрүү фонддорун түзүүдө бул фонддордун толук кандуу иштөөсүнө жол бербеген айрым кыйынчылыктар болгон. Буга байланыштуу КРнын Экономика министрлигинде жобону жакшылап иштеп чыгуу үчүн жумушчу топ түзүлгөн.
Бирок азыркыга чейин Өнүктүрүү фонддорун каржылоо жана стратегиялык маселелери чечилбей келет. Бюджеттен бөлүнгөн акчадан башка фонддор кайсы каражаттын эсебинен иштемек эле?
“Кумтөр” жана “Жерүй” Ысык-Көл жана Талас өнүктүрүү фонддорун каржылап келет. Ал эми башка облустук фонддор эмне кылышы керек? Каржылоодогу чоң теңсиздик жана ар кандай фонддордун иштөөсү жашыруун конфликттерди чыгарып келет.
Анын үстүнө Фонддор эффективдүү иштеп жатат деп айтууга болбойт. Фонддордун сынактык комиссиясы социалдык долбоорлорду тандоодо чоң маселелерге тушугуп келет. Айрым долбоорлор Өнүктүрүү фондунан жана башка булактардан дагы каражат алып келген учурлар бар.
Кыргызстанда инвесторлор башка райондорго караганда көп болгон райондор кездешет. Мисалы, Чаткал жана Ала-Бука району. Алтын казуучу көптөгөн ишканалар бул райондордогу өнүктүрүү фонддоруна ири суммаларды которуп келет.
Экономика министрлиги бул маселеге жакшылап көңүл бөлүүнү чечкени маселе курч экенин билдирет. Эми жер-жерлерде бейөкмөт уюмдардын жана жергиликтүү ишкерлердин катышуусунда коомдук талкууларды уюштуруу зарыл.
