Өкмөттө 2017-жылдын жазгы-талаа иштерине болгон даярдык тууралуу талкуу болду.
Жыйында таза суу менен камсыз кылуу, калктуу жерлердин суу маселесин чечүү жана жазгы-талаа иштерине болгон даярдык тууралуу соз болду.
Айыл чарба, тамак-аш өнөр жайы жана мелиорация министри Нурбек Мурашев жазгы талаа иштерине 42 миң тонна дизель керек экенин билдирди.
Айдоо иштерине жакын техника бардык облустарда 90%га даяр болот.
Ирригациялык каналдарды оңдоо үчүн бюджеттен 253 млн сом бөлүп берүү каржы министрлигине тапшырылган. Январь айында акчалар бөлүнгөн жана мындан ары каражаттарды берүү кармалбаса, ирригациялык система даяр болот.
ЭКОНОМИКА айыл-чарба министрлигинин иши эффективдүү эмес болуп жатканы тууралуу бир нече жолу жазып чыккан жана министрдин отчет берүүсү бул маселенин чечилиши дегендик эмес.
Ушунча жылдан бери иштеп жатып министрлик техниканын санын кобөйто алган жокпу?
Бюджеттен ири суммадагы каражаттар бөлүнүп жатат, бирок алар ар кандай изилдөөлөрго кетип жатканын кагаз бетинен гана көрүп жатабыз. Чет жактан келген эксперттерге акылга сыйбаган акчалар төлөнүп жатат. Бул каражаттарды техникалык базаны чыңдоого жумшоо жана ата мекендик ветеринарларды, агрардык тармакта эмгектенгендерди окутууга жумшаса алда канча жакшы болот беле?
Аймактарда ирригация жана суу маселеси курчуп турган чагы.
Дыйкандарды болсо өнүмдү сатуу маселеси ойлондурат.
Айыл-чарбаны дыйкандар оздөру колго алышкан – кооперативдерди түзүшүүдө, ар кандай мамлекеттик жана эл аралык программаларга катышып өнгүп жатышат.
Долбоорлордо дыйкандарга календардык график, сугаруу жана эл аралык уюмдар менен туура иштешүүнү үйрөтүшөт.
Айыл-чарба министрлиги ооз ачпай эле. Алар жөн гана даярдык жүргүзүп, калган ишти башкалар кылганга көнүп алышса керек. Андан соң министр кезектеги отчетун берет.
Биз кайрадан министрликте иштеген толгон токой киши эмне менен алек болуп жатат деген суроону бергибиз келди.
