ЕАЭБге мүчө өлкөлөр жаңы эрежелерге ыңгайлаша баштады. Бул тууралуу “Евразия жумалыгы” форумунун жүрүшүндө Казакстандын премьер-министри Бахытжан Сагинтаев билдирди.
“Биримдиктин мүчөлөрүнүн улуттук экономикасы өнүгө баштаганын белгилеп кетким келип турат. 2017-жылдын 1-кварталында ЕАЭБдеги ИДПнын өсүүсү 0,8% болгон. Ал эми өнөр-жайы 2,7%. ЕАЭБ өлкөлөрүнүн башка мамлекеттер менен болгон сырткы соодасы биринчи жарым жылдыкта жогорулаган”,-деди Казакстандын өкмөт башчысы.
ЕАЭБдеги соода-сатык үчүн ички шарттарды түзүлүшү үчүнчү өлкөлөр менен болгон сооданы жогорулатууда.
Мисалы, Вьетнамдан товарларды бажысыз ташуу ЕАЭБдеги сооданы активдештирди. Биринчи жарым жылдыктын натыйжасында Вьетнам менен болгон сооданын көлөмү 26,9% өскөн, акчалай ала турган болсок 500 млн долларга жакын. Ошондуктан биримдиктин мында ыкмасы чет өлкөлөр менен болгон соода-экономикалык алака үчүн бекем негиз түзүп берүүдө. Израиль, Сербия жана Иран менен эркин соодалашуу тууралуу сүйлөшүүлөр жүрүүдө.
Экономикалык көрсөткүчтөрдө тоскоолдуктардын жоюлушу негизги ролду ойноодо.
Өнөр-жай кооперациясы өнүмдү өндүрүүчү компаниялар үчүн приоритеттүү формалардын бири болуп калууда, ал жакшы киреше алууга гана мүмкүнчүлүк түзбөстөн атаандаштыкка дагы туруктуу болууга шарт түзүүдө. Бирок Кыргызстан Казакстанга салыштырмалуу өндүрүш боюнча талап кылынган көлөмдү чыгара албай келет.
Эл аралык эксперттердин маалыматына ылайык, санариптешүү дүйнөлүк экономиканын ландшафтын өзгөртүүдө жана 2025-жылга карата дүйнөлүк ИДПнын 1⁄3 бөлүгүн камсыз кыла алат. Ошондуктан ЕАЭБ бирдиктүү санарип боюнча долбоорун активдүү өнүктүрүүдө, ал товарлардын жана кызматтардын, адамдардын жана капиталдын эркин айлануусуна жол ачат.
ЕАЭБге санарип база болуп, ал жакка биздин гана эмес дүйнөлүк жетишкендиктер дагы киргизилет.
Форумдун алкагында экспортту өнүктүрүүчү бир катар документтерге кол коюу сунушталды.
