2017-жылдагы негизги жетишкендик макроэкономикалык туруктуулукту камсыз кылуу жана 4,5 % экономикалык өсүш. “Кумтөр” кен ишканасын кошпогондо ИДнүн өсүү темпи 104,5 % болду, 2016-жылы бул көрсөткүч 103,7 % болчу деп билдиришти КРнын Экономика министрлигинин жылдык жыйынында.
Экономикалык өсүш экономиканын баардык тармактары аркылуу камсыз болду, анын ичинде: айыл-чарба тармагындагы өсүш 2,2 %, курулуш тармагы — 7,1 %, кызмат көрсөтүү тармагы — 2,1 %. Өсүштүн негизги бөлүгү өнөр-жай тармагына туш келип, өсүү темпи 111,8 % болуп, Кумтөрдү эске албаганда 21 % болгон.
2017 жылга карата күтүлгөн экономикалык өсүү деңгээлине жетишилди, ал факты жүзүңдө 1,0 пайыздык пунктту түздү, бул Токтогул суу сактагычында суу мол болгон аба ырайынын жагымдуу шарттардан улам электр энергиясын өңдүрүүнү жогорулатууга жана аны бөлүштүрүүгө байланыштуу болду.
Инфляциянын деңгээлин аныктоочу керектөөчү баалардын индекси 103,7 %, 2016-жылдагы көрсөткүч 99,5 % болгон. Инфляциянын орточо жылдык деңгээли 103,2 % болду, 2016-жылдын январь-декабрь айларында 100,4 % болчу.
2017-жылдын январь-декабрь айларында КРнын тышкы соода айлануучу 6272,0 млн доллар болуп, 2016-жылга салыштырмалуу 12,5 % жогорулады.
2016-жылга салыштырмалуу 2017-жылы товарларды экспорттоо 13,8 % жогорулап 1790,7 млн долларды түздү. Импорт 4481,3 млн доллар болуп, 12 % жогорулады. Товар айлануунун 28,6 %ы экспорт болсо, 71,4%ы импорт болду. Евразиялык экономикалык биримдикке кирген өлкөлөр менен болгон товар айлануу 2418,2 млн доллар болуп, 16,6 % жогорулаган. Республиканын жалпы товар айлануусунун 38,6 %ын түзгөн.
Экономикалык саясаттын негизги багыттары бюджеттик дефицитти кыскартуу, тышкы карыздын ИДгө карата деңгээлин кыскартуу менен макроэкономикалык туруктуулук камсыздалды. 2017-жылы бюджеттин дефицити ИДгө карата 3,3% болсо, мамлекеттик тышкы карыз ИДнүн 56,9 % барабар болду.
