Мамасалы Акматов 2016-жылы облуста 21 млрд сомдук өнүм өндүрүлгөнүн белгиледи. Бул көрсөткүч 2015-жылга салыштырмалуу көп жана 102%ды түздү.
Ошондой эле ал инвестициянын көлөмү жогорулаганын билдирди. 2016-жылы облуска 14 млрд сом өлчөмүндө инвестиция тартылды, бул 2015-жылга салыштырмалуу 10%га көп.
Мындан сырткары электр энергиясына болгон калктын карызы 107 млн сомду түзгөн. Карыздын жалпы суммасы 2017-жылдын 1-январына карата 174 млн сом.
Электр энергиясына болгон карыз кышка байланыштуу болуп жатса керек, себеби бул маалда жылуу убакка салыштырмалуу электр энергиясын колдонуу алда канча көп болот. Карыз болуунун дагы бир себеби “акылдуу эсептегичтердин” ишке кирүүсү болушу ыктымал.
Айрым жерлерде элдер бул жаңычылыкка каршы болуп, электр энергиясын “эскидей” эле колдонууну каалагандар бар.
