Бирок криптовалюталардын курсу дайыма өйдө төмөн болуп тургандыктан ири инвесторлорду кызыктыра элек. Олуттуу оюнчуларды валютаны конвертациялоодогу баалар жана инвестициялык тобокелчиликтер кооптондурат.
Фьючердик келишим 18-кылымдан бери бар – ал убакта япониялык соодагерлер күрүчтү ташуу үчүн бир жолку келишим түзүшчү дагы түшүм жыйналган учурда анын баасы бекитилген боюнча турчу. Бул фьючерс “ташуучу” болуп эсептелет, анда сатып алуучу товардын белгилүү бир көлөмүн мурда сүйлөшүлгөн баа боюнча сатат. Ушундай жол менен дыйкандар түшүмгө болгон баанын төмөндөө коркунучун алдын алышчу, ал эми сатып алуучулар баанын жогорулоосунан сактанышчу.
Фьючерс — бул белгиленген баа боюнча контрактта белгиленген базалык актив күнүнө карата сатып алуу жана сатуу жөнүндө контракт. Анын негизин базалык актив: акция, товар, валюта жада калса гречка ж.б. түзөт. Негизинен базалык актив катары товар гана эмес статистикалык көрсөткүчтөрү дагы саналат, мисалы, Борбордук банктын кредиттик ставкасы.
Учурда биткойнго эсептешүүчү фьючерс киргизүү каралууда. Башкача айтканда сатып алуучу биткойн албайт, ал ошол маалдагы баалардын ортосундагы айырмачылыкты алат. Фьючерстин мөөнөтү – 1 ай.
Ири товардык биржа фьючерсти чыгаруу менен каржылык институттар үчүн криптовалюта менен соода кылууга жол ачат, башкача айтканда рынокко ири капиталдар тартылат. Жеке инвесторлор фьючерстик келишимдер менен соода кылышып, ортомчу компаниялар болсо биржада келишим түзө алышат.
АКШнын товардык фьючерстерин сатуу тууралуу комиссия биткойнго фьючерс чыгарууга уруксат берген. Башкача айтканда, криптовалютага болгон фьючерс мыйзамдуу жана мамлекет тарабынан жөнгө салынат. Бирок фьючерстин болуусу биткойнду мыйзамдаштырбайт. Бирок ал валютанын репутациясына жакшы таасир берет.
Булак: Хайтек
